Aamir Bin Sa'd Bin Abi Vakkas Ne Apne Valid Sa'd (rd) Se Sun Kar Ye Khabar di,
Rasulallah (s.a.w) Ne Chand Logo Ko Kuchh Atayya Diya Aur Sa'd Vaha Mojud The , (Vo Kehte Hai Ke ) Rasulallah (s.a.w) Ne UnMe se Ek Shakhs Ko Kuchh Na Diya , Halanke Vo In Me Muje Sabse Jiyada Pasand Tha , Maine Kaha Huzur Aap Ne Fula Ko Kuchh Na Diya Halanke Mai Use Momin Guman Karta Hu . Aap (s.a.w) Ne Farmaya Momin Ya Musalman ? Mai Thodi Dair Chup Reh Kar Fir Pehli Baat Dohrane Laga. Huzur (s.a.w) Ne Bhi Dobara Vahi Javab Diya . Fir Aap (s.a.w) Ne Farmaya "Ae Sa'd Bavujud Ye Ke Ek Shakhs Muje Ziyada Aziz Hai (Fir Bhi Mai USe NazarAndaz Karke) Kisi Aur Dusre Ko Is Khof Ki Vaje Se Ye Maal De Deta Hu Ke (Vo Apni Kamzori Ki Vaje Se Islam Se Fir Jae Aur) Allah Use Aag Mai Undha Dal De .
Is Hadees Ko Yunus , Saleh , Muammar Aur Zahari Ke Bhatije Abdullah Ne Zahari Se Rivayat Kiya .